Wednesday 12 April 2017
Tuesday 24 January 2017
پارا چنار
Friday 13 January 2017
شراب
نوڪرعلي ڪانهر پير جو ڳوٺ
•شراب واپرائڻ سان انساني جسم تي پوندڙ اثر:
اسان جي معاشري ۾ ڏينهون ڏينهن ڪيتريون ئي برايون جنم وٺن ٿيو انهن مان شراب بہ هَڪَ آهي. جي ڏٺو وڃي تہ شراب عام جام واپرايو وڃي ٿو. ڪنهن خوشيءَ جي موقع تي يا ڪنهن وڏي سندي ڏينهن سرعام پيتو وڃي ٿو اسان روز نيوز ۾ ٻڌندي يا پڙھندي ڏسون پيا تہ انسان پنهنجي زندگي سان ڪهڙو حشر ڪن ٿا. شراب واپرائڻ جي ڪري ڪيتريون ئي بيماريون جنم وٺن ٿيون. جنهن جي نتيجي ۾ حياتي تان ئي هٿ کئڻو پئي ٿو.
هاڻي سوال اهيو ٿو پيدا ٿئي تہ ڇا اسانجو مذهب اسان کي شراب پیئڻ کان روڪي ٿو يا نہ ؟
اچو تہ اسان الله تعاليٰ جي پاڪ مقدس ڪتاب قرآن پاڪ کان پڇون .
ڇو تہ الله تبارڪ و تعاليٰ پنهنجي مقدس ڪلام پاڪ ۾ هر شيءِ جو ذڪر بيان ڪيو آھي.
شراب پيئڻ هڪ اهڙو عمل آھي جنهن جي الله تعاليٰ پنهنجي پاڪ ڪلام ۾ سخت مذمت ڪئي آھي. خدا تعاليٰ سورت بقره جي آيت نمبر 218 ۾ ارشاد فرمايوآھي.
ترجمو: (اي رسول صلي الله عليه وآله وسلم ). ماڻھوتوهان کان شراب ۽ جوا جي باري ۾ پڇن ٿا توهان چئي ڏيو تہ انهن ٻنهي ۾ وڏو گناھ آھي.
شراب پيئڻ نہ فقط شرعي لحاظ کان خراب عمل آھي. بلڪ ڊاڪٽرن جي تحقيق مطابق شراب انساني جسم جي اڪثر حصن تي خطرناڪ اثر وجهي ٿو. انهن مان ڪجھ ھيٺ بيان ڪجن ٿا.
دماغ تي شراب جو اثر:
شراب پيئڻ جي ڪري دماغ جا خليا (سيل) ڪم ڪرڻ ڇڏي ڏيندا آھن ۽ اڪثر ڪري دماغ تائين خون پهچائڻ واريون نازڪ رڳون ڦاٽي پونديون آھن ۽ ڪڏھن ڪڏھن ائين بہ ٿيندو آھي جو خون ڪنهن هڪ جڳھ تي ڄمي ويندو آھي ان جي نتيجي ۾ ماڻھوءَ کي بيهوشيءَ جا دورا شروع ٿي ويندا آھن ان کان سواءِ ڪيتريون ٻيون بہ بيماريون پيدا ٿين ٿيون. مرگهي. مٿي جو سڄي وڃڻ ۽ فالج وغيره جهڙيون بيماريون بہ ٿين ٿيون.
معدي تي شراب جو اثر:
شراب پيئن سان زبان جو ذائقي واري حس ختم ٿي ويندي آھي. بلڪ شراب پئيڻ جي ڪري هاضمو وڌائڻ وارو مادو ختم ٿي ويندو آھي. اڪثر ڪري الٽيون اچڻ شروع ٿي ونديون آھن. انهن الٽين ۾ بلغم سان گڏ خون جا دڳ بہ ايندا آھن ۽ ٻيون ڪيتريون ئي معدي جون بيماريون پيدا ٿينديون آھن.
جگر تي شراب جو اثر:
شراب پئيڻ سان جگر ڪمزو ٿي ويندو آھي. ۽ سڄي پوندو آھي ۽ جگرجي ڪمزوري ۽ خرابي جي ڪري پيٽ ۾ سور پيدا ٿي پوندو آھي ۽ نتيجي ۾ يرقان جو مرض پيدا ٿي پوندو آھي
دل تي شراب جو اثر:
شراب خون ۾ شامل ٿي ويندو آھي ان ڪري آھستہ آھستہ خون کي خراب ڪري ڇڏيندو آھي. ۽ ان جو اثر دل تي پوندو آھي دل جسم جي تمام عضون کي صحيح طرح خون پهچائي نہ سگهندي آھي. ڇو جو دل تي ڪافي مقدار ۾ چرٻي چڙھي ويندي آھي ۽ دل وزني ٿي ويندي آھي جنهن جي نتيجي ۾ دل جي حرڪت گهٽجي ويندي آھي ان ڪري شرابي ماڻھن جي نبض تمام آھستي يا غير منظم طريقي سان هلندي آھي.
عقل تي شراب جو اثر:
ديوانگي ۽ جنون پيدا ڪرڻ جو سڀ کان وڏو سبب شراب پئيڻ آھي . دنيا ۾ اڪثر ديوانن جو تعداد شراب جي عادي هجڻ جي ڪري آھي.''رسالہ تندرست'' ۾ بيان ڪيو ويو آھي تہ فرانس ۾ ڊاڪٽرن جي تحقيق مطابق20 هزار شرابي ديوانا موجود آھن ان ۾ اهو بہ لکيل آھي تہ شراب پئيڻ جي ڪري 80 فيصد ماڻھون ديوانا 20 فيصد ماڻھو ٻين بيمارن ۾ مبتلا ٿي ويندا آھن . انگلينڊ ۾ اسڪالرن جي تحيقيق مطابق 90 فيصد ديوانا شراب پئيڻ جي ڪري ٿيا آھن.