Tuesday 26 April 2016
Wednesday 13 April 2016
والدين سان سهڻو سلوڪ،
والدين سان سهڻو سلوڪ
نوڪرعلي ڪانهر پير جو ڳوٺ
الله تبارڪ و تعاليٰ کان بعد ۾ انسان تي سڀني کان وڌيڪ جيڪو حق آھي. اهو والدين جو ئي آھي. ڇو تہ انسان جو وجود انهن جي برڪت جي ڪري آھي. اهو ئي سبب آھي جو پرودگار پنهنجي پاڪ ڪلام ۾ جتي پنهنجي عبادت جو ذڪر ڪيو آھي. اتي ئي والدين سان نيڪيءَ جو سهڻي سلوڪ جو حڪم ڪيو آھي. هتي مان (سورة اسرا آيت.23) جو ڪجھ ذڪر ڪرڻ ضروري سمجهيان ٿو. ترجمو: پالهڻار جو فيصلو آھي تہ ان کان سواءِ ڪنهن جي بہ عبادت نہ ڪريو ۽ پنهنجي والدين سان نيڪي ڪريو. انبياء (ع) جي هڪ بهترين صفت اها ئي ذڪر ڪئي وئي آھي تہ اهي پنهنجي والدين سان نيڪ ۽ سٺو سلوڪ ڪندا هئا. الله سائين والدين جي فرمانبداري کي پنهنجي غضب کان بچڻ لاءِ ضروري قرار ڏنو آھي. اڄ جي دور جو انسان ڇا پيءُ ماءُ سان نيڪي يا سهڻو سلوڪ ڪري ٿو ان جو گواھ اڄ جو معاشرو آھي تہ اسان ڪيترا والدين جا فرمانبدار آھيون انسان انهن ئي ابو امان کي پيٽ ڀري ٻہ ويلا ماني نہ پيو کارئي جن اسان کي ڄڻي ڏيھ ڏيکاريو پاڻ بک تي رهي اسان کي کاريو پنهنجي وات وارو گرھ ڪڌي اسان جي پيٽ جي بک اجهائي پاڻ تڪليف صحي اسان کي سک ۾ رکيو اهي ئي ابو امان سڄي سڄي رات جاڳي اسان جي پر گهور ڪندا رهيا شل نہ جي ڪجھ ٿئي پئي تہ پريشان حال هوندا هئا جن اسان کي آڱر کان وٺي هلڻ سيکاريو قدم کڻڻ سيکاريا معاشري ۾ اوٿڻ ويهڻ سيکاريو لکائي پڙھائي وڏو ڪيو ۽ ان اميد تي پيا جيئن تہ ھي اسانجو سهارو ٿيندو. انسان انهن جي پوڙهاپي ۾ سهارو ڏيڻ بدران چون ٿا تہ اسان تہ توهان مان اڙجي ويا آھيون. کين ئي گهرن ۾ نوڪرن جهڙو سلوڪ ڪيو وڃي ٿو ۽ سڄي گهر جو ڪم ڪار بہ ڪرايو وڃي ٿو. ڄڻ تہ هي انهن جا نوڪر آھن. جي بيمار ٿين تہ سرڪاري اسپتال م داخل ڪرائي لاوارثن وانگي هليا اچن يا انهن کي پنهنجي ملڪيت مان ئي بہ گهر ڪري ڇڏين ٿا پوءِ بہ والدين بد دعا ڪين ڏين پنهنجي اولاد کي بس اهو چوندا هوندا تہ سدا شل جڳ ۾ کلندا وتو اسانجي رونا سي تہ ڇا ٿي پيو توڻي جو ماءُ جي پيرن هيٺيان جنت آھي ان جنت کي ئي دوزخ ڪري ڇڏين ٿا. والدين تہ وڏي شخصيت آھن انسان جي پهرين درسگاه والدين جي جهولي هنج آھي. ماءُ جي زندھ آھي تہ الله سائين هروز ستر بلائون ٽآري ڇڏي ٿو. رسول اڪرم (صہ) کان منقول آھي تہ پاڻ ڪريم (صہ)جن وٽ ھڪ ماڻھون آيو . کين عرض ڪيان تہ دنيا ۾ اھڙو ڪو گناه نہ آھي جيڪي مون نہ ڪيو هجي. ڇا منهنجي لاءِ بہ توبھ جو دروازو کليل آھي؟ نبي ڪريم(صہ) وراڻيو: ڇا تنهنجا والدين حال حيات آھن؟ عرض ڪيائين: منهنجو پيءُ جيئرو آھي. پاڻ (صہ) فرمايائون: وڄ پنهنجي پيءُ جي خدمت ڪر ۽ ساڻس سهڻو سلوڪ ڪر. جيئن ئي اهو شخص رسول اڪرم (صہ) جي بارگاھ کان ٻاھر نڪتو تہ پاڻ ڪريم (صہ) فرمايو: ڪاش سندس ماءُ بہ حال حيات هجي ها. انهي آخري جملي مان پتو پيو تہ ماءُ سان نيڪي ڪرڻ جو ثواب وڌيڪ آھي. اسان کي گهرجي تہ هن نصحيت تي عمل ڪريون ۽ پنهنجي والدين سان سهڻو سلوڪ ڪيون.
Thursday 7 April 2016
♥سازش♥
♥سازش♥
نوڪرعلي ڪانھر پير جو ڳوٺ کان لکي ٿو.
معاشري جا سڀئی فرد باغي ٿي پيا ھيا. ڪانڊري جي سني ۾ بغاوت جي باھ ڀڙڪي رھي ھئی. نس نس ۾ جذبو تيزيءَ سان گردش ڪري رھيو ھو. ڪانڊرو غور ۽ وڏي فڪر کان بعد ۾ پنھنجن دوستن سان ھم ڪلام ٿيو.
ڪانڊرو
چوڻ لڳو تہ ڪنھن وٽ بہ اختيار نہ آھي تہ ھو اسان جي محنت جي پگھر مان وڃي عيش آرام ڪري. اسان جي پنھنجي زندگي آھي ۽ اسانجي زندگي جون جيڪي بہ بھارون آھن اھي سڀ اسان جون آھن ان ۾ اسان ڪنھن جي بہ دخل اندازي برداشت نہ ڪندا سي. ڪانڊرو ڪاوڙ ۾ گلاب جي گل وانگي صفا ڳاڙھو لعل ٿي ويو ھو. سندس جسم ڪپي رھيو ھو سڀئی ڪانڊري کي حيرت مان تڪي رھيا ھيا. اھي ڪانڊري جا دوست ڪانڊري جي اھا ڪاوڙ ڏسي ڪانڊري کي سمجھائڻ لڳا ڪانڊرو اڳ ئی انھن تی باھ جيان ٻري رھيو ڇو تہ اھي ڪانڊري جا نہ پر ڪامورن ڀوتارن جا دوست ھيا جيڪي ڪجھ وقت اڳ ۾ ھر ڪانڊري جھڙي غريب مسڪين جي اوطاقن تي وڏي وڏي وفد جي صورت ۾ اچي لاھيندا ھيا سندن ماڻھون استقبال لاءِ ھٿن ۾ رستن تي گل گلاب جا جھليون بيٺا ھوندا ھيا جئین ئی وڏين گاڏين ويگو مان لاھیندا ھیا تہ گلن جو وسڪارو پيو ٿيندو ھوِ . سادن سٻاجھڙن جي اڳيان اھي اعلان ڪندا ھيا تہ ھڪ ڀيرو روڳو ووٽ ڏي ڪامياب ڪريو پوءِ اسان کي ڏسو تہ اوھان کي ڪٿي کان ڪٿي ٿا پھچايون اسين توھان کي نوڪريون ڏيندا سي بيروزگاري ختم ڪنداسي بيروزگارن کي روزگار ڏيندا سي. جيڪي غريب مسڪين ماڻھون آھن انھن کي گھر ٺھرائی ڏيندا سين ڪچيون گھٽيون پڪيون ڪندا سي اوھان کي ڳوٺ ۾ ھر اھا سھولت ملندي جنھنجي ڪري توھان کي پري پري تائین پنڌ ڪري شھر ڏي نہ وڃڻو پوئیندو اسان اوھان جي ڳوٺن کي ھر اھا سھولت ڏينداسي جيڪي شھرين کي آھي پيا ڏاڌا شور شرابا ھوندا ھيا ھر طرف اھي آواز ھوندا ھيا تہ اسان کي ڪامياب بڻايو تہ اسان اوھان جي زندگي جنت بڻائینداسین. غريبن اميرن جي اوطاقن تہ ميلا متل ھوندا ھيا ڪنھن مھل ھن پارٽي جو ڪامورو پيو اچي تہ ڪنھن مھل ٻئی پارٽي جو . ڪانڊرو بہ اھڙا ئي اعلان ٻڌي سندن پويان لڳي پيو ۽ ورڪ ۾ سرگرم نظر اچڻ لڳو اچي خير سان اليڪشن جو ڏھاڙو بہ ٿيو ۽ ڪامورا ڪامياب ٿي ويا ھاڻي واعدا پاڙڻ جو ٽائیم اچی ويو . ھاڻي روز ڪانڊري جھڙن ماڻھون جو ڀوتارن جي بنگلن تي حاضري ھوندي ھئی ۽ وڃي ڪامورن کي ڪيل سندن واعدا ياد ڏيارڻا پواندا ھيا تہ ڀوتار اوھان مونکي چيو ھو تہ توکي روزگار ڏينداسي ان ڪم لاءِ پنڌ پيو آھيان ھا بابا کوڙ ڪم ڪندا سي حاضر بابا ٿورو انتظار ڪيو ڀوتار تہ پاڻ وڃي سکيا ٿا پر غريب عوام اھو ساڳیو ئی عذاب ڀوڳي رھيو آھي ڪامورا غريب عوام جي ووٽن سان وڃي اسيمبلين تائین پوڳا ۽ سڪون واري زندگي گذاري رھيا آھن ۽ مسڪين عوام جو پيئسو ناجائز ڪمن ۾ خرچ ڪري رھيا آھن. ھاڻي ڪانڊرو ڀوتارن جي اوطاقن جا چڪر ڪٽي ڪٽي ماٺ اختيار ڪري گھر ويھي رھيو آ. سنڌ ۾ ڪانڊري جھڙا سادا سٻاجھڙا ماڻھون ھزارن جي تعداد ۾ اھڙين سازشن جي ور چڙھي وڃن ٿا ۽ بيوقوف ٿين پيا. سندن ڪيل وعدا ڀوتارن کان وسري وڃن ٿا ...